«ӘЖЕ МЕН НЕМЕРЕ» – ҰРПАҚТАР САБАҚТАСТЫҒЫ 🌸💐 Бүгін Ы. Алтынсарин атындағы қазақ орта мектебінде 1-сынып оқушылары мен аяулы әжелерінің қатысуымен «Әже мен немере» атты тәрбиелік мәні зор сайыс өтті.✨ Сайыстың басты мақсаты – ұлттық құндылықтарымызды дәріптеу, әже мен немере арасындағы рухани байланысты нығайту, үлкенге құрмет, кішіге ізет көрсетуге тәрбиелеу.🌷 Сайыс барысында әжелеріміз бен немерелері «Әжемнің ертегісі», «Өнерлі әже, өнерлі немере» кезеңдерінде өздерінің өнерлерін, тапқырлықтары мен шығармашылық қабілеттерін ортаға салды.❤️ Әжелеріміздің ақыл-парасаты мен немерелерінің балалық шаттығы үйлесім тапқан бұл шара барша қатысушыларға ерекше көңіл күй сыйлады.💐 Сайысқа белсене қатысып, өнегелі тәрбие мен ұлттық дәстүріміздің жарқын үлгісін көрсеткен ардақты әжелерімізге шын жүректен алғыс білдіреміз!Әже – отбасының берекесі, ұрпақтың өнегесі, немеренің асыл қазынасы! ❤️