«Асыл әжелер» клубы — Ы.Алтынсарин атындағы мектеп

Бүгін мектебіміздің 10–11 сынып қыздары және «Аққу» қыздар клубының мүшелері «Әжелер клубының» өкілдерімен тағылымды әрі әсерлі «Үлкендердің батасы – ұрпақтар сабақтастығы» атты кездесу өткізді. Кездесу барысында әжелеріміз қыздармен ашық әңгімелесіп, өмірлік тәжірибелерімен бөлісіп, ақыл-кеңестерін айтып, ізгі тілектері мен баталарын арнады. Жас қыздарға білім алып, жақсы адам болуға, үлкенді сыйлап, кішіге қамқор болуға, өз мақсаттарына нық қадам басуға сәттілік тіледі. Әжелердің жүрекжарды әңгімелері мен өнегелі сөздері қыздарға ерекше әсер қалдырып, ұрпақтар арасындағы рухани байланысты нығайта түсті. Кездесу соңында мектеп психологы қыздармен арнайы тренинг өткізіп, олардың көңіл-күйін көтеріп, өзара сенім мен сыйластықты арттыруға бағытталған қызықты жаттығулар ұйымдастырды. Шара соңында оқушылар әжелерге шынайы алғыстарын білдіріп,жүрекжарды жылы лебіздерін жеткізді. Әжелерге көрсеткен қамқорлығы, ақыл-кеңесі мен ақ батасы үшін ризашылықтарын айтып, кездесуден алған әсерлерімен бөлісті. Үлкеннің батасы – ұрпаққа аманат, ақылы – өмірге бағыт. Осындай тағылымды кездесулер жас ұрпақтың бойына ұлттық құндылықтарды сіңіріп, үлкен мен кіші арасындағы сабақтастықты нығайта берсін!Ұйымдастырған: Тәрбие бөлімі

Посмотреть эту публикацию в Instagram Публикация от ⚜️ЫБЫРАЙ АЛТЫНСАРИН МЕКТЕБІ | АКСУ (@altynsarin_bilim.ordasy)