«Таза Қазақстан» – жасыл болашаққа бастар игі қадам! Бүгін мектебіміздің ұстаздары мен 11-сынып оқушылары Еуразиялық энергетикалық корпорациясы ұжымымен бірлесіп, «Таза Қазақстан» экологиялық акциясы аясында «Бүгінгі отырғызылған бір тал – ертеңгі ұрпаққа қалатын жасыл мұра» ұранымен қарағай көшеттерін отырғызды. Бұл игі бастама мектеп аумағын көгалдандыруға, қоршаған ортаны қорғауға, табиғатты аялауға және жас ұрпақтың бойында экологиялық мәдениетті қалыптастыруға бағытталды. Мектебіміздің жасыл желекке бөленуіне үлес қосып, осындай құнды сый жасаған Еуразиялық энергетикалық корпорациясының басшылығы мен ұжымына шынайы алғысымызды білдіреміз! Бірлескен еңбектің нәтижесінде отырғызылған әрбір көшет тамыр жайып, жайқалған жасыл желекке айналып, келер ұрпаққа жасыл мұра болып қалсын! Таза Қазақстан – таза орта, көрікті мектеп, жарқын болашақ! 🌳