2026 жылғы 17 қараша күні Ақсу қаласындағы Ыбырай Алтынсарин атындағы қазақ орта мектебінде бастауыш сыныптар айлығы аясында Әлкей Марғұлан атындағы Павлодар педагогикалық университетінің PhD докторы, қауымдастырылған профессоры Аспанова Гүлмира Рамазанқызы «Бастауыш сынып мұғалімінің жеке брендін дамыту» тақырыбында шеберлік сағатын өткізді. Шеберлік сағаты барысында бастауыш сынып мұғалімінің кәсіби имиджін қалыптастыру, жеке брендін дамыту, педагогикалық тәжірибесін тиімді таныстыру және кәсіби әлеуетін арттыру мәселелері қамтылды. Сонымен қатар, мұғалімнің өзіндік кәсіби келбетін қалыптастыруда әлеуметтік желілер мен заманауи цифрлық құралдарды тиімді пайдалану жолдары көрсетілді. Практикалық жұмыстар арқылы қатысушылар жеке бренд қалыптастырудың негізгі бағыттарымен танысып, өздерінің кәсіби жетістіктері мен педагогикалық тәжірибелерін заманауи форматта таныстыру мүмкіндіктерін қарастырды. «Мұғалімнің жеке бренді – оның кәсіби құзыреттілігін, өзіндік ерекшелігін, педагогикалық жетістіктері мен құндылықтарын танытатын кәсіби бейнесі». Гүлмира Рамазанқызына құнды тәжірибесімен, кәсіби ой-толғамдарымен бөліскені үшін алғыс білдіреміз!