«Жас ұстаз табысқа апарар жол» V облыстық форумы- 2026ж.Павлодар қаласында Педагогикалық шеберлік орталығының ұйымдастыруымен 2026жылы 27 қазанда өткізілген «Жас ұстаз: табысқа апарар жол» V облыстық форумында мектебіміздің жас маманы, география пәнінің мұғалімі Майданова Жадыра Төлегенқызы «STEM-технологиялар жағдайында география пәнін оқыту» тақырыбында өз тәжірибесімен бөлісті.Форум барысында жас педагог заманауи білім беру технологияларын география пәнінде тиімді қолданудың жолдарын ұсынып, кәсіби шеберлігін көрсетті. Оның тәжірибесі оқушылардың пәнге деген қызығушылығын арттыруға, зерттеушілік дағдыларын дамытуға және функционалдық сауаттылығын қалыптастыруға бағытталған. Жадыра Төлегенқызының жаңашыл идеялары мен шығармашылық ізденісі жас маманның кәсіби дамуға деген ұмтылысын айқын көрсетті. Алдағы уақытта да биік белестерді бағындырып, тың бастамаларымен әріптестеріне үлгі болып, толағай табыстарға жете беруіне тілектеспіз!