🌷 ҚАРТТАРЫМЫЗҒА ҚҰРМЕТ – ҰРПАҚҚА МІНДЕТ! 🌷1 қазан – Халықаралық қарттар күніне орай «Қамқорлық» қайырымдылық акциясы аясында «Мейірімді жүрек» акциясы ұйымдастырылды.Ізгі дәстүрді жалғастырған Ы. Алтынсарин атындағы қазақ орта мектебінің директоры И.Е. Егис пен мектеп ұжымы Ақсу қаласындағы Қарттар үйіне арнайы барып, ақ жаулықты әжелеріміз бен ақ сақалды аталарымызды мерекелерімен құттықтады.Мектеп ұжымы қарияларға ақжарма тілектерін арнап, тәтті себеттер табыстады. Жылы жүздесу мен шынайы ықылас қарияларға көтеріңкі көңіл күй сыйлады.💐 Қарияларымыздың әрбір күні қуанышқа, жүректері мейірімге толы болсын! Ақ баталарыңыз бен өнегелі өмір жолдарыңыз – кейінгі ұрпақ үшін баға жетпес қазына.Қарты бар үйдің – қазынасы бар! 🌸