Бүгін Ы. Алтынсарин атындағы қазақ орта мектебінде «Адал азамат» біртұтас тәрбие бағдарламасының құндылықтарына сәйкес «Денсаулық фестивалі – 2026» денсаулық күні өткізілді. Іс-шараның негізгі мақсаты – салауатты өмір салтын насихаттау, оқушылардың денсаулығын нығайту, дене шынықтыру мен спортқа деген қызығушылығын арттыру, сондай-ақ ұйымшылдық пен белсенділікке тәрбиелеу.Денсаулық күні Қазақстан Республикасының Мемлекеттік Әнұранымен салтанатты түрде ашылып, қатысушылардың құттықтау тілектерімен жалғасты. Одан кейін оқушылар «Салауатты ұрпақ – ұлт болашағы» тақырыбындағы көңілді флешмобқа қатысты.Фестиваль барысында мектеп ауласында, спорт залында және спорт алаңында түрлі спорттық жарыстар мен танымдық іс-шаралар ұйымдастырылды. Оқушылар арқан тарту және басқа да командалық сайыстарда күш сынасып, өздерінің ептілігін, шапшаңдығын және ұйымшылдығын көрсетті. Іс-шараға оқушылармен қатар ұстаздар мен ата-аналар да белсенді қатысты. Денсаулық күні көтеріңкі көңіл күйде өтіп, қатысушыларға ерекше серпін мен жағымды әсер сыйлады. Осындай спорттық іс-шаралар өскелең ұрпақты дені сау, белсенді, жауапкершілігі жоғары азамат болып қалыптасуға үндейді.Дені сау ұрпақ – жарқын болашақ кепілі!