Кеңес отырысының күн тәртібінде:
— оқушылардың білім сапасын жүйелеу;
— мұғалімдердің өзара тәжірибе алмасуы;
— пәндер бойынша туындаған проблемаларды анықтау;
— оларды шешудің тиімді жолдарын қарастыру мәселелері қамтылды.
Отырыс барысында оқу жетістіктерінің мониторингі нәтижелері талданып, білім сапасын жүйелі бақылаудың оқу процесінің тиімділігін арттырудағы маңызы атап өтілді. Әр пән бойынша тоқсандық және аралық бақылау жұмыстарының қорытындылары сараланып, үлгерімі төмен оқушылармен жүргізілетін жұмыс бағыттары нақтыланды.
Мұғалімдер өзара тәжірибе алмасу аясында сабақ барысында қолданылып жүрген тиімді әдіс-тәсілдерімен бөлісіп, оларды жүйелі қолдану білім сапасының артуына оң әсер ететіндігін атап өтті. Атап айтқанда, тарих пәні мұғалімдері Халмен Еркегүл, Тукай Гулстан, Кудайбергенова А.Б., Алиаскарова А.Т. өз тәжірибелеріндегі тиімді педагогикалық тәсілдерді таныстырды.
Кеңес отырысы қорытындысында қабылданған ұсыныстар оқу процесінің сапасын арттыруға, оқушылардың білім деңгейін жүйелі бақылауға және мұғалімдердің кәсіби ынтымақтастығын нығайтуға бағытталды.