Бүгін мектебімізде сынып жетекшілерінің кезекті отырысы ұйымдастырылды. Жиын барысында оқу-тәрбие жұмысының өзекті мәселелері талқыланып, оқушылардың үлгерімі мен тәртібі сараланды.Отырыс барысында мектеп директоры И.Е. Егис оқушылардың қауіпсіздігі мәселесіне ерекше тоқталып, білім алушылардың өмірі мен денсаулығын қорғау – басты міндеттердің бірі екенін атап өтті. Ол мектеп аумағындағы қауіпсіздік шараларын күшейту, құқықбұзушылықтың алдын алу және интернет қауіпсіздігіне мән беру қажеттігін айтты.Сонымен қатар, директордың тәрбие ісі жөніндегі орынбасарлары А.А. Сарсенбаева мен С.Ж. Камзина және әлеуметтік педагог Ұ. Яхияқызы сәтсіз отбасыларды аралау тәртібі мен мектепішілік есепте тұрған оқушылармен жұмыс жүргізу алгоритмін түсіндірді. Профилактикалық жұмыстарды жүйелі ұйымдастыру, ата-аналармен тығыз байланыс орнату және әр оқушыға жеке қолдау көрсету мәселелері кеңінен сөз болды.Жиын қорытындысында алдағы жұмыстар нақтыланып, сынып жетекшілеріне нақты тапсырмалар жүктелді.