Қалалық «Құқық бұзушылықсыз мектеп» жобасы Ақсу қаласы әкімі Нұрлан Шайхслямович Дүйсенбиновтың қолдауымен жүзеге асырылуда. Жобаның негізгі мақсаты — отбасылық құндылықтарды нығайту арқылы кәмелетке толмағандар арасындағы қылмыс санын азайтуға бағытталған. Бүгінгі таңда аталмыш жоба аясында отбасылық және ұлттық тәрбиені насихаттау, қазақтың салт-дәстүрін нығайту мақсатында «Көктем келді әлемге» қалалық фестивалі өтті.
«Көктем келді әлемге” фестиваліне қала мектептерінің ата-аналары, оқушылары мен ұстаздары қатысты.
Қалалық фестиваль 5 кезеңнен тұрды:
- ұлттық киімдер шеруі;
- қазақ халқының салт-дәстүрлері: «Бесікке салу», «Сырға салу», «Беташар», «Шорға», «Тұсаукесер», «Бел көтерер», «Бата беру»;
- Ұлттық ойындар — «Теңге алу», «Арқан тарту», «Гір көтеру», «Қол күрес» ұлттық ойындары;
- «Бауырсақ party»;
- Ұлттық өнер.
Әділ қазылардың шешімі бойынша “Үздік өнер” жеңімпазы №8 орта мектебі, “Үздік салт -дәстүр” мен “Бауырсақ party” жеңімпаздары Ы.Алтынсарин атындағы қазақ орта мектебі, “Үздік ұлттық киім шеруі” мен “Ұлттық ойындар ” жеңімпаздары А.Құнанбаев атындағы қазақ орта мектебі атанды. Командалық есеп қорытындысы бойынша
Гран при Ы. Алтынсарин атындағы қазақ орта мектебі;
I орын А. Құнанбаев атындағы ЖОББ мектебі;
II орын №8 орта мектебі;
III орын №7 орта мектебі. Жеңімпаздар мақтау қағаздар және кубоктармен марапатталды.
Ұлыстың ұлы күні елімізге, жерімізге құт-береке ала келсін. Ұлыс оң болып, әрбір атқан таңымыз нұрлы да шуақты болсын!
@samal.aitkazina
@bilim_basqarmasy
@nurlan_dyussimbinov
@aigerim_erkenovna
@bilim_aqsu
@vospitatelnyiotdelg.aksu
